Сите четворица аргентински тенисери се пласираа во второто коло на АТП Мастерсот во Индијан Велс што се игра за награден фонд од 7,9 милиони долари. Тројца од нив со пресврт и низ три сета на турнирот на кој Енди Мареј, Новак Ѓоковиќ, Роџер Федерер и Рафаел Надал се слободни во воведната рунда.
Факундо Банис го елиминира Французинот Бенето со 5:7, 6:4, 6:2, Хорасио Зебалјос беше подобар од Копил од Романија со 6:7, 7:6, 6:4, а Гвидо Пелја од Гарсија Лопез од Шпанија со 4:6, 7:5, 6:2. Федерико Делбонис беше аргентинскиот репрезент што најмалку се задржа на терен за разлика од своите сонародници. Моментно 54 светски рекет во поединечна конкуренција со 6:3, 6:4 го победи Русинот Андреј Кузнецов.
Водечките светски тенисери ги почннуваат своите настапи од второто коло. Противник на првиот носител, Енди Мареј ќе биде Васе Поспишил од Канада, Ѓоковиќ (втор носител) ќе игра против Британецот Кајл Едмунд, Надал (петти носител) против Аргентинецот Пелја додека Федерер (деветти носител) ќе излезе на мегдан со Французинот Стефан Робер.
АТП Индијан Велс – серија Мастерс 1000 – награден фонд 7,913.405 милиони долари
Резултати, 1 коло
Банис (Аргентина) – Бенето (Франција) 5:7, 6:4, 6:2
Зебалјос (Аргентина) – Копил (Романија) 6:7, 7:6, 6:4
Делбонис (Аргентина) – Ан. Кузнецов (Русија) 6:3, 6:4
Пелја (Аргентина) – Гарсија Лопез (Шпанија) 4:6, 7:5, 6:2
Штруф (Германија) – Хиралдо (Колумбија) 6:3, 6:4
Јанг (САД) – Козлов (САД) 7:5, 7:6
Робер (Франција) – Села (Израел) 6:4, 6:4
Еванс (В. Британија) – Браун (Германија) 6:1, 6:1
ВТА Индијан Велс – серија Премиер – награден фонд 6,993.450 милиони долари
Резултати, 2 коло
Ка. Плишкова (Чешка) – Пуиг (Порторико) 1:6, 6:4, 6:4
Бегу (Романија) – Чирико (САД) 6:1, 7:5
Кр. Плишкова (Чешка) – Касаткина (Русија) 6:0, 6:3
Кузнецова (Русија) – Ларсон (Шведска) 7:6, 6:4
Пављученкова (Русија) – Контавеит (Естонија) 6;4 6:4
Цибулкова (Словачка) – Остапенко (Летонија) 6:4, 3:6, 6:3
Бертенс (Холандија) – Бенчиќ (Швајцарија) 6:2, 6:2
Стрицова (Чешка) – Ерани (Италија) 6:4, 5:7, 6:2