Роџер Федерер ја впиша 14 победа во 15 меч во 2017 година. Швајцарецот во второто коло во Мајами го елиминира младиот Американец Франсес Тифо со 7:6, 6:3 за прва победа на Мастерсот по тригодишно отсуство, вкупно, 45 негова на турнирот што двапати и го освојуваше во кариерата. Повеќе триумфи од него во Мајами има само Андре Агаси – 61.
Федерер, кој минатата недела го освои трофејот во Индијан Велс, во наредното коло ќе игра со подобриот од мечот меѓу Аргентинецот Хуан Мартин дел Потро и Робин Хасе од Холандија. Пласман во третото коло во Мајами осигураа и Гофан, Вавринка, Бердих, Квери, Иснер.
Лучиќ-Барони ја исфрли Радванска
Мирјана Лучиќ-Барони приреди ново изненадување на женскиот дел од турнирот во Мајами. Хрватската ветеранка ја порази петтата носителка, Полјачката Агнешка Радванска со убедливи 6:0, 6:3 и во осминафиналето ја очекува дуел со Бетани Матек Сандс. Американката во третото коло ја совлада Анастасија Пављученкова со 4:6, 6:0, 6:3.
Гарбине Мугуруза мораше до осминафинале преку три сета против Кинеската Жанг (4:6, 6:0, 6:3). Меѓу најдобрите 16 се најдоа и чешките претставнички Барбора Стрицова и Луси Сафарова по победи над Цепелова од Словачка, односно, Томљановиќ од Хрватска.
АТП Мајами – серија Мастерс 1000 – награден фонд 6,993.450 милиони долари
Резултати, 2 коло
А. Зверев (Германија) – Лу (Тајпеј) 6:0, 6:3
Федерер (Швајцарија) – Тифо (САД) 7:6, 6:3
Иснер (САД) – Белучи (Бразил) 7:5, 7:6
Јазири (Тунис) – Лопез (Шпанија) 6:3, 4:6, 6:3
Квери (САД) – Робредо (Шпанија) 6:2, 6:3
Манарино (Франција) – Лоренци (Италија) 6:4, 3:6, 6:2
Бердих (Чешка) – Рублев (Русија) 6:3, 6:2
Гофан (Белгија) – Кинг (Барбадос) 7:5, 6:1
Вавринка (Швајцарија) – Зебалос (Аргентина) 6:3, 6:4
Милер (Луксембург) – Сепи (Италија) 7:6, 7:6
Шварцман (Аргентина) – Ферер (Шпанија) 6:2, 6:3
ВТА Мајами – серија Премиер – награден фонд 6,993.450 милиони долари
Стрицова (Чешка) – Цепелова (Словачка) 6:2, 6:4
Лучиќ Барони (Хрватска) – А. Радванска (Полска) 6:0, 6:3
Мугуруза (Шпанија) – Жанг (Кина) 4:6, 6:2, 6:2
Сафарова (Чешка) – Томљановиќ (Хрватска) 6:1, 6:3
Матек Сандс (САД) – Пављученкова (Русија) 4:6, 6:0, 6:3