Катерина Синијакова е победничка на ВТА турнирот во шведски Бастад. Чешката тенисерка стигна до втора титула во кариерата по триумфот над Каролина Возњацки од Данска со 6:3, 6:4. Синијакова и лани играше финале на „Ериксон опен“ во кое загуби од Лора Зигмунд, но овојпат, за помалку од два часа, успеа до крајната цел што ќе ѝ донесе и напредок на најновата ранг листа за речиси 20 места.
Фабио Фоњини, пак, триумфира на АТП турнирот во Гштад, Швајцарија, вреден 540,310 евра. Италијанецот во финалето беше подобар од Јаник Ханфман, 170. светски рекет, со 6:4, 7:5 за петта титула во неговата кариера. Покрај трофејот, Фоњини понесе и чек на 86.000 евра.
Леонардо Маер ја освои титулата на АТП турнирот во Хамбург што се играше за награден фонд од 1,629,375 милиони евра. Аргентинецот во финалето го совлада домашниот тенисер Флоријан Маер со 6:4, 4:6, 6:3 и на тој начин ја комплетира втората турнирска победа во кариерата по Ротенбаум во 2014 година.
ВТА турнир во Бастад/награден фонд 226,750 долари
Финале: Синијакова (7., Чешка) – Возњацки (1., Данска) 6:3, 6:4
АТП турнир во Гштад/награден фонд 540,310 евра
Финале: Фоњини (4., Италија) – Ханфман (Германија) 6:4, 7:5
АТП турнир во Хамбург/награден фонд 1,629,375 милиони евра
Финале: Л. Маер (Аргентина) – Ф. Маер (Германија) 6:4, 4:6, 6:3