Ник Кирјос (22) против Григор Димитров (26) вечерва во Синсинати по прва Мастерс титула во нивните кариери. Двајцата тенисери ги решаваа полуфиналните дуели низ тај-брејк пришто Австраиецот беше подобар од Давид Ферер (7:6, 7:6), а Бугаринот од Џон Изнер (7:6, 7:6).
„Ноќна мора е да се игра против него. Пред се поради мојата висина што тој баш и ја нема. Испраќа прилично ниски удари и во целиот меч не добив топче за удар на ниво на рамото. Навистина ми беше тешко. Не играв најдобро што можам, сервисот не ме служеше низ гемовите, но не можат да се пожалам за тај-брејкот. Горд сум што сепак победив и ќе играм финале“, рече Кирјос по елиминацијата на Ферер.
Димитров ќе влезе во финалето во Синсинати со некој час повеќе одмор од Кирјос. Бугарскиот тенисер во игра на нерви беше подобар од Изнер и вечерва ќе игра за седмата АТП титула во кариерата во која највредна засега е освоената на Мексико опен, турнир од серијата 500.
„Мислам дека ова е чекор во добра насока за мене. Веќе подолго време сум дел од АТП турот и исклучително ги ценам ваквите моменти. Секогаш е прекрасно чувството кога ќе играте во финале без разлика дали е Мастерс 1.000 или турнир од категоријата 250. Тоа е нешто за кое тренирате и кон што се стремите“, порача Димитров.
Со Мастерс титули од 2009 година може да се пофалат само 13 тенисери. Најмногу ги има Новак Ѓоковиќ (26), Рафаел Надал има 18, а Роџер Федерер и Енди Мареј по 12. Покрај големата четворка, во победи на тениските „илјадарки“ уживаа уште Александар Зверев (2), Николај Давиденко (1), Робин Содерлинг (1), Стен Вавринка (1), Жо Вилфред Цонга (1), Марин Чилиќ (1), Давид Ферер (1), Иван Љубичиќ (1) и Енди Родик (1).