Машкото финале на летните олимписки игри во Токио во 2020 година ќе се игра во два добиени сета, соопшти Интернационалната тениска федерација (ИТФ). Со тоа се израмнува форматот во обете конкуренции. Правилото за три добиени сета за злато што се воведе во 1996 година се носи за да се излезе во пресрет на тенисерите кои имаат долги и исцрпувачки сезони.

Енди Мареј го освојуваше златниот медал на последните две Олимпијади. Во финалето во Лондон во 2012 година го совлада Роџер Федерер, а четири години подоцна во Рио де Жанеиро беше подобар од Хуан Мартин дел Потро.

Новитет е најавен и за мечевите во машки и во женски двојки, па доколку резултатот по сетови биде израмнет, ќе се пристапи кон супер тај брејк со десет освоени поени како што е случај на турнирите во АТП и во ВТА календарот.