Шефот на руската дипломатија Сергеј Лавров и американскиот државен секретар Ентони Блинкен денеска ќе се сретнат во Женева.
Фокус на разговорите се нацртите на двата договора што Русија ги поднесе на 15 декември, изјави синоќа портпаролката на руското Министерство за надворешни работи, Марија Захарова, пренесоа руските медиуми.
Захарова на прес-конференцијата кажа дека Лавров и Блинкен пред два дена веќе имале телефонски разговор и дека Лавров го повикал Блинкен „да не шири шпекулации за наводната претстојна руска агресија“ во врска со ситуацијата во југоисточна Украина, туку да ги принуди властите во Киев целосно да го спроведат Договорите од Минск.