Топ засилување во „Тојота центар“: Кармело Ентони потпиша за Хјустон

Хјустон доби топ засилување во пресрет на новата сезона во НБА лигата. Нов член на „ракетите“ е Кармело Ентони (34) кој потпиша едногодишен договор со клубот за сума од 2,4 милиони долари.

Ентони во кариерата настапуваше за Денвер, за Њујорк и за Оклахома која го размени во Атланта, но соработката беше набрзина раскината без да забележи ниту еден настап за „јастребите“.

Со неговиот ангажман, Хјустон направи крупен чекор во желбата да биде уште посилен одошто беше случај досега во Западната конференција, а во претстојното издание на НБА лигата ќе влезе со убиствено трио Харден-Пол-Ентони.