Една изборна единица е вистински модел за Македонија. Ако има отворени листи, не треба да постојат коалиции, вели Павле Трајанов од Демократски Сојуз во „Клик Плус“ на ТВ21.
„За тој систем не треба да брзаме. Клучно е меѓудругото, има решение во овој изборен закон кој го предлагаме, се разрешува прашањето на малите етнички заедници, се гарантира вклучена застапеност во Парламентот. Но има еден услов, мораат и тие да имаат најмалку гласови колку што се потребни за еден пратеник. Конкретно, ако има три турски политички партии, сите заедно имаат 10.000 гласа, таа што има најмногу, ќе влезе во Парламент, вели Трајанов.
Според него подобро е помалите етнички заедници да се натпреваруваат.
„Ако вие имате квота задолжителна, тогаш партиите ќе се договараат со СДСМ или ВМРО-ДПМНЕ. Има слабости, но тоа решение треба да се надоградува. Ќе го отвориме прашањето околу изборниот праг, тоа не е спорно. Првиот изборен процес откако ќе биде една изборна единица, да има природен праг. Инаку, тоа го наметнаа пред 10 години дека во Македонија треба да има стабилна влада, двопартиски систем, рече Трајанов.
Трајанов информира дека тешко оди процесот за една изборна единица.
-Не е проблем ние во овие услови, кога имаме енергетска криза, кога има последици од пандемијата, рефлексии на војната во Украина. Ние не сме до толку непринципиелни или да не водиме сметка за нашите национални државни интереси за да бараме сега Владата да ја срушиме. Меѓутоа, јасен е ставот, ако се блокира процесот, јас самиот не можам да ја бутнам Владата или да предизвикам парламентарни избори, но има пратеници кои можеме и ако се блокира повторно процесот, тогаш ќе гласаме за предвремени парламентарни избори. Тоа е нашиот став, ќе одиме на избори, но повторно ќе биде на наша штета, затоа што нема да има една изборна единица, вели Трајанов во емисијата „Клик плус“.