Претендентот за номинација за кандидат за претседател на САД кај Републиканците Доналд Трамп изјави дека не може да ја исклучи можност од употреба на нуклеарно оружје против Европа.
Најновата од редот скандалозни изјави, мултимилијардерот, кој е еден од најсериозните кандидати за оваа номинација, ја даде во интервјуто за американската телевизиска мрежа Ем Ес Ен Би Си, каде што претходно изјави дека жените кои абортираат треба да бидат казнети.
Иако нагласи дека би бил последниот кој би одлучил да користи нуклеарно оружје, Трамп се запрашал зошто САД произведува вакво оружје доколку нема намера никогаш да го употреби. На прашањето на новинарот Крис Метјус дали би го искористил против Европа, одговори дека не верува, но дека нема намера таквата можност да ја исклучи.
Иако новинарот го предупредува дека се што ќе каже носи одредена тежина и дека треба да биде внимателен при давањето изјави, Трамп остана одлучен.
– Би бил бавен во донесувањето на таква одлука, но ако некој на вас удри со нуклеарно оружје, зарем нема да му вратите со иста мерка?, рече Трамп.