Поранешниот американски претседател Доналд Трамп и неговите советници се подготвуваат за неколку различни потенцијални сценарија во врска со можното обвинение од страна на големата порота на Менхетен која ја испитува шемата за замолчување на пари, пишува Си-Ен-Ен.
Откако во ноември минатата година веќе ја објави својата кандидатура за претседател во 2024 година, Трамп пркосно рече дека обвинението ќе му помогне политички, жалејќи се од друга страна дека тоа би било „неправедно“.
Тој се обиде да создаде медиумски спектакл околу него и, на моменти, целосно ја игнорираше можноста за обвинение, велат извори на Си-Ен-Ен.
Според двајца советници, поранешниот претседател се помирил со можноста за покренување обвинение.
Иако постојат индиции дека истрагата за наводната улога на Трамп во шемата за плаќање на ѕвездата на филмовите за возрасни Сторми Даниелс е при крај и подготовките за обвинение се во тек, сè уште не е јасно дали поранешниот претседател ќе биде обвинет. Ниту кога ќе биде покренато евентуалното обвинение.
Во услови на неизвесност како ќе заврши долгогодишната истрага, неколку советници на поранешниот претседател изразија фрустрација поради недостигот на информации за потенцијалното обвинение и логистичките компликации што би произлегле од појавувањето во Њујорк, каде што ќе биде обвинет Трамп.
Истрагата за плаќањето на порно ѕвездата не е единствениот облак што виси над поранешниот претседател. Во друга посебна истрага, Министерството за правда го убеди федералниот судија дека Трамп поттикнувал еден од неговите адвокати за кривично дело поврзано со постоењето на доверливи документи во замокот на Трамп во Мар-а-Лаго, Флорида, изјавија извори за Си-Ен-Ен.
Официјални лица во Њујорк и Вашингтон преземаат безбедносни мерки на претпазливост во случај потенцијалното аспење на поранешниот претседател Доналд Трамп да доведе до масовни протести.
Овој потег следи по објавите на Трамп на социјалните мрежи за време на викендот, во кои тој ги повика своите поддржувачи да излезат на улица како одговор на потенцијалното апсење, слично на повиците како одговор на неговиот изборен пораз во 2020 година. Тие протести станаа насилни кога голем број неговите приврзаници упаднаа во Капитол.
Извор близок до правниот тим на Трамп изјави за Си-Ен-Ен дека ако биде обвинет Трамп, не очекуваат апсење или првично појавување пред следната недела.
Обвинението може да дојде во секое време, а службениците за спроведување на законот вклучени во дискусијата ја нагласија потребата адекватно да се подготват за сложената кореографија на предавањето и појавувањето на Трамп на суд.