Американскиот претседател, Доналд Трамп, изјави дека ќе побара значајно зголемување на буџетот за „една од најголемите модернизации во историјата“.
Тој во говорот на Конференцијата на републиканските активисти рече дека има планови за засилување на американската војска, која и сега е најсилна борбена сила во светот, и други иницијативи, но не изнесе повеќе детали.
Како што наведе, целта му е суштинско унапредување на војската во офанзивни и дефанзивни капацитети, со барање за значајно зголемување на трошоците која одбраната на САД ќе ја направат „поголема, подобра и посилна од било кога“.
„Да се надеваме дека никогаш нема да ја употребиме, но никој не треба да задева со нас. Никој. Тоа ќе биде една од најголемите воени модернизации во американската историја“, рече Трамп.
Тој претходно во интервју за „Ројтерс“ рече дека сака да го зајакне американскиот нуклеарен арсенал за да се осигура дека САД ќе биде предводник во таа смисла, со оглед на тоа дека заостанале по капацитетите во тој вид на оружје.
Трамп се пожали на руското разместување на крстоносните ракети како кршење на договорот за контрола на вооружувањето, додавајќи дека тоа прашање ќе го постави за време на средбата со рускиот претседател Владимир Путин, кога ќе дојде до таква средба.
На оваа изјава на Трамп, реагираше претседателот на Комитетот за меѓународни односи, Константин Косачев, предупредувајќи дека тоа би можело да доведе до нов натпревар меѓу Вашингтон и Москва за вооружувањето.
Критичарите предупредија дека Русија и Америка имаат доволно оружје за да спречат нуклеарен напад.
Според податоците на Здружението за контрола на оружјето, САД моментално има 6.800 парчиња нуклеарно оружје, додека Русија располага со 7.000 парчиња.