Трамп: Пред мојот состанок со Зеленски имав продуктивен разговор со Путин

Американскиот претседател Доналд Трамп објави дека имал добар и многу продуктивен телефонски разговор со рускиот претседател Владимир Путин.

Соопштението доаѓа пред средбата со украинскиот претседател Володимир Зеленски, која е закажана да се одржи денеска подоцна во резиденцијата на Трамп во Мар-а-Лаго во Флорида.

Портпаролот на рускиот претседател, Дмитриј Песков, ја потврди оваа информација за државните новински агенции но без притоа да даде дополнителни детали.