Американскиот претседател Доналд Трамп предвидува дека Иран ќе се врати на преговарачката маса, предупредувајќи дека „може да го уништи Иран за еден ден“.
Предвидувам дека ќе се вратат и ќе ни дадат сè што сакаме, рече Трамп во емисијата „Фокс њуз“. „Сакам сè… Тие немаат карти“, додаде американскиот претседател.
Трамп, исто така, ја бранеше својата закана од минатата недела, кога рече дека „целата цивилизација ќе исчезне“, тврдејќи дека таа изјава е она што го донесе Техеран на преговарачката маса.
Кога зборувам за цивилизацијата. Навистина се промени. Навистина се промени. Но, размислете. Им е дозволено да кажат: „Смрт за Америка. Смрт за ова“. И јас давам изјава, а тие велат – ох, ужасна работа. Таа изјава ги донесе на преговарачката маса и тие не ја напуштија, рече Трамп.
Во својата изјава откако разговорите меѓу САД и Иран завршија во Пакистан без договор, тој повтори дека ќе ја таргетира иранската енергетска инфраструктура, според Си-Ен-Ен.
Можев да го уништам Иран за еден ден… За еден час би можел да ја добијам целата нивна енергија, сè, секој нивни објект, нивните електрани, што е голема работа. И мразам да го правам тоа, бидејќи ако го направам тоа, ќе ви требаат десет години за да ги обновите, а тие никогаш нема да можат да обноват. А другата работа што ја таргетирате се мостовите, рече Трамп.