„Се до моментот додека немаме конечно решение не можеме да зборуваме за пренамена на средствата, затоа што СОНК покрај зголемувањето на платите имаат и други барања“, истакна министерката за труд и социјална политика Јованка Тренчевска.
„Социјалниот дијалог продолжува. Колективниот договор завршува на 28 јуни и таму ќе се внесат сите барања кои се оставени од СОНК до Министерството за труд и социјална политика, и ќе го донесеме најсоодветното решение, додаде министерката Тренчевска, која заедно со градоначалникот на Општина Центар, Горан Герасимовски и претседателот на Здужението „Банка за храна“, денеска поделија пакети со основни прехранбени и хигиенски производи на 150 семејства со висок социјален ризик од општината.
Како што вели Тренчевска, во 25 градинки во државата воопшто не се штрајкува.
„Штрајкуваат останатите 50 установи, односно 45 проценти заклучно со вчерашниот ден. Сите градинки функционираат речиси нормално, нема затворена градинка“, појасни министерката за труд и социјална политика.
Таа на денешната прес-конференција во одговор на новинарско прашање во врска со штрајкот на вработените во градинките, напомена дека се штрајкува во 50 установи, но појасни дека се згрижуваат децата, а опфатот на децата од ден на ден е се поголем.
-Во текот на вчершаниот ден штрајкуваа 45 проценти од воспитно-наставниот кадар во градинките. Ги немам податоците за денеска, но воспитачките и негувателките ги прифаќаат сите деца кои доаѓаат до градинките. Вчера за 30 проценти е зголемен опфатот за разлика од претходниот ден, рече министерката.
–