Дарко Костовски, тренер на Дејан Георгиевски кој вчера освои сребрен медал на Олимпијадата во Токио, преку социјалните мрежи информира дека тој и неговиот брат Борче се откажуваат од наградата од 600.000 денари доделена од Владата со одлука на вчерашната седница.
Владата, на вчерашната седница, донесе одлука за доделување на парична награда од 20.000 евра за македонскиот теквондист Дејан Георгиевски и 10.000 евра за тренерите.
– Мојот брат, доктор Борче Костовски и јас како тренери на сребрениот олимписки медалист Дејан Георгиевски, се откажуваме од премијата што е доделена за нас и таа целосно треба да биде насочена кон олимпискиот вицешампион и нова македонска гордост. За нас како тренери во овие моменти доволен е олимпискиот историски сребрен медал, напиша Костовски на својот профил на Фејсбук.
За постигнатиот резултат, Дејан Георгиевски е награден со 1,2 милиони денари од Владата и со 600.000 денари од Агенцијата за млади и спорт.