Германското државно обвинителство ја испитува вистинитоста на новото писмо во кое се превзема одговорност за нападот на играчите на Борусија од Дортмунф. Во писмото се најавуваат и нови напади, на протестите против десничарската партија Алтернатива за Германија, кои ќе се одржат на 22 април во Келн.
„Мораме секоја закана озбилно да ја сфатиме со оглед на тоа дека се уште не располагаме со цврсти индиции за позадината за нападите на автобусот со играчите на Борусија“, пренесува Тагешпигел чија редакција го прими најновото писмо во кое се превзема одговорност за нападот во вторникот.
Редакцијата на овој весник примила анонимен е-маил во четвртокот вечерта во кој се „повикува на Адолф Хитлер“ и се критикува политиката на мултикултурно општество, како и мигрантската политика на германската канцеларка Ангела Меркел.
„Ќе потече шарена крв на 22 април“, пишува во е-маилот, а истражителите тоа го поврзуваат со големите протести против десниот популизам кој би требало да се одржи наредната сабота во Келн под мотото „Шарено против сиво“.
Тоа е трето писмо во кое се превзема одговорност за нападот на фудбалерите на Дортмунд.
Во бомбашкиот напад на автобусот со играчите на фудбалскиот клуб Борусија, повреден беше еден играч и еден полицаец .