Алваро Мората се враќа во Мадрид и тоа во клубот во кој почна – Атлетико. Напаѓачот, кој стекна репутација на голгетер на Реал Мадрид, пристигна на „Ванда Метрополитано“ од Челзи и ќе биде од големо значење за Диего Симеоне во продолжение на сезоната, а со Антоан Гризман ќе претставуваат убиствен тандем на „јорганџиите“ во Примера и во Лигата на шампиони.
На негово место во Челзи го пополни Гонзало Игуаин. Аргентинецот утрово го мина лекарските прегледи во Лондон и ќе игра како позајмен играч на „Стемфорд Бриџ“ до крај на сезоната со можност „сините“ да го откупат неговиот договор со Јувентус.
Замена, пак, за Игуаин на „Сан Сиро“ е Полјакот Криштоф Пјонтек, досегашен соиграч на Горан Пандев во Џенова. Италијанските медиуми објавија дека 23 годишниот напаѓач ќе игра во дресот на „росонерите“ до 2023 година, а вредноста на договорот е 35 милиони евра. Препораките со кои стигна во Милано се 19. голови во 21 одигран меч за џеновјаните во Серија А во оваа сезона и се очекува да дебитира во составот на Џенаро Гатузо во сабота во дербито со Наполи.