НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Туристичките агенции на мака: Здравствените биланси ги спуштаат граничните рампи

0
By Нова ТВ on July 6, 2020 ВЕСТИ
Фото: dw.com
СПОДЕЛИ
Facebook Twitter LinkedIn Email

Празни зјаат просториите на македонските туристички агенции, чии излози се украсени со бројни фотографии од егзотични дестинации во странство и пораката „Лето 2020 – изберете дестинација!“ Заради корона-кризата тие места во моментот се недостапни за македонските граѓани. Туристичките работници кои беа соочени со мртва сезона оваа пролет, велат дека се надевале оти „ќе фатат” нешто од летната сезона. Но, како што поминуваат деновите, надежта им се топи, се наведува во текстот на „Дојче Веле“

„Во однос на аранжманите во соседството, се надевавме дека нешто ќе мрдне барем од јули. Но, влошувањето на состојбата со Ковид-19 и овде и во соседните земји, ни ги урна тие надежи. Ако се стабилизира здравствената состојба, се надеваме дека би можеле да фатиме барем дел од август или септември. За жал, никој не може да направи прогноза, бидејќи се зависи од здравствена ситуација, а со тоа и од граничните режими во земјите каде ги реализираме аранжманите. Состојбата се менува речиси на дневна основа“, велат од скопска туристичка агенција, која претежно нуди аранжмани за соседните земји, а најмногу за Грција.

„Последниот воз“

Дека за туристичките агенции состојбата е најнеизвесна, говори и фактот дека од 6 часот утрово до 15 јули во Грција не може да влегуваат туристи од соседна Србија, а оние кои се веќе таму може да го завршат летувањето според договорениот аранжаман. Причина за ваквата грчка одлука е што голем број од српски туристи тестирани по случаен избор биле позитивни на Ковид-19, но и поради тоа што во Србија рапидно расте бројката на новозаразени. Иако српскиот министер за надворешни работи, Ивица Дачиќ, вчера апелираше граѓаните да не тргнуваат кон Грција за да не бидат вратени од граница или затекнати на пат кога забраната ќе стапи во сила, сепак, српски туристи вчеравечер се обиделе да го фатат „последниот воз”.

Бугарски медиуми објавуваат дека пред бугарско-грчкиот граничен премин „Кулата – Промахонас“ (единствениот преку кој српските туристи можеа да влегуваат во Грција), колоната возила вчера била долга 12 километри, а доминирале најмногу возила од Србија. Последни кои успеале да ја минат бугарско- грчката граница, биле оние кои стигнале таму најдоцна до 1 часот утрово. По четири часа чекање влегле во Грција, непосредно поред забраната да стапи на сила. Сега во колоната кон Грција доминирале единствено романски и бугарски државјани.

Равенка со многу непознати

До 15 јули македонските државјани не можат да влегуваат во Грција, а дали таа одлука ќе биде променета или продолжена, ќе зависи од здравствените биланси во земјава. Пред една недела, грчките телевизии „Скај“ и „Мега“, објавија дека околу 10 до 15 автомобили од Македонија и од БиХ биле вратени од граничниот премин „Кулата- Промахонас“, откако се обиделе преку Бугарија да влезат во Грција.

„Луѓето едвај чекаат да се релаксира состојбата. Секако, има дел кои решија летово да не патуваат надвор од земјава, а оние кои имале веќе уплатен аранжман тоа право ќе може да го искористат во друг термин, по нивен избор. Но, има голем дел кои се заинтересирани за одмор „што поскоро“. Најчестите прашања кои ги добиваме се однесуваат на тоа дали ќе има доволна понуда на сместувачки објекти и со каков превоз ќе може да се патува – приватен или организиран. Во моментот ништо од тоа не е проблем, освен здравствените бројки, а со тоа и граничниот режим“, објаснуваат од агенцијата.

Бројките во моментот не одат во корист на брзо отворање на границите за македонските граѓани. До вчера вкупната бројка на позитивни на Ковид-19 од почетокот на епидемијата изнесува 7.046, бројката на оздравени 3.027, на починати 341. Во моментот бројот на активни случаи во земјата изнесува 3.678, од кои најголем број се од Скопје (2.007). Значително зголемување на бројот на активни случаи има во Прилеп, во Тетово, во Струга, во Велес, во Битола, во Охрид, во Кавадарци, во Крива Паланка, во Пробиштип, во Македонски брод, во Свети Николе и во Кичево. Во болниците во земјава на лекување од Ковид-19 се наоѓаат 423 пациенти од кои пет се поставени на респиратор. Досега се направени вкупно 67.165 тестирања.

Дали земјата ја зафати втор бран, или одложен втор пик на заразата од Ковид-19? – Анализата на билансите покажува дека вкупната бројка на заразени од трите месеци (март, април и мај) се помали од бројката на заразени само во еден месец – јуни која достигна над 4.000.

Граници здравство одмор режим туризам
Share. Facebook Twitter LinkedIn Email
ТИКЕР

Железничкиот сообраќај во Црна Гора во прекин поради штрајк на диспечерите

August 23, 2025

Третина од Германците се плашат дека ќе ја изгубат работата поради вештачката интелигенција

August 23, 2025

Данска ќе дозволи користење вештачката интелигенција на матурските испити

August 22, 2025

Британски научници создадоа сензор од дијамант за откривање метастази

August 22, 2025

Во Албанија откриена прва статуа на Исус Христос во стилот на бразилската скулптура

August 21, 2025
ФОКУС

Нетанјаху: Израел ќе ја освои Газа без разлика дали Хамас ќе ги ослободи заложниците

ВЕСТИ August 21, 2025

Израелскиот премиер Бенјамин Нетанјаху изјави дека Израел ќе продолжи со плановите за воена акција и…

Пентагон: Сценарија за Украина ќе бидат презентирани на европските советници за национална безбедност

August 21, 2025

Армијата го слави 33-от роденден со свеченост во касарната во Штип

August 18, 2025

Најмалку 21 лице загина чекајќи хуманитарна помош во Газа

August 17, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.