Published: Sunday, October 30, 2016 09:53
Продолжува чистката на Реџеп Таип Ердоган во Турција. Како што пренесува Анадолија, турските власти затвориле 15 медиуми меѓу кои и курдски новински агенции, а исто така отпуштиле од работа околу 10.000 државни службеници и луѓе од силите за безбедност со два нови указа издадени вчера.
Указите се однесуваат и за голем број прашања меѓу кои ограничено право на адвокати да разговараат насамо со клиенти и промени во правилата за назначување ректори на универзитети, на начин по кој Владата ќе има поголема контрола врз процедурата.