Вчерашните терористички напади на Ататурк аеродромот во Истанбул е последниот од серија напади кои ја погодија Турција последните неколку месеци. И речиси секогаш целта се избира на места со голем број туристи, кои пак се помеѓу најзначајните придонесувачи во економијата.
Иако засега никој не ја презел одговорноста за нападите на Ататурк, Турците се сомневаат во ИСИС. Воедно претседателот на земјата, Реџеп Таип Ердоган потенцираше дека нападите се организирани со цел да се омаловажи неговата земја.
На 7.јуни загинаа 11 луѓе, а 36 беа повредени кога од паркиран автомобил одекна бомба активирана од далеку за време кога полициски автобус минуваше во областа Везнекилер во Истанбул.
Од загинатите, седуммина беа полицајци а четворица цивили. Тогаш Ердоган ги обвини Курдските бунтовници за нападот.
На 31.март пак беа убиени седум полицајци, а повредени беа дузина други во Дијарбакир, еден ден пред премиерот Ахмет Давутоглу да го посети местото.
На 13.март годинава, во бомбашките напади во Анкара, најмалку 37 луѓе загинаа а 125 беа повредени, од кои 19 сериозно. Во нападот беше искористено возило натоварено со експлозиви, а цел беа цивили.
Нападот се случи на булеварот Ататурк, близу населено место со многу автобуски станици, згради и коли.
Војници и цивили загинаа во Анкара и на 17.февруари кога од далеку беше детонирана бомба во возило за време кога автобус полн со војници. Вкупниот број на загинати војници и цивили изнесува 27 луѓе.
Ниту Истанбул не изостана од терористичките цели. На 12.јануари годинава, дузина германски туристи загинаа за време на посетата на историски знаменитости во градот. Турските власти тогашниот напад го квалификуваа како дело на Исламската држава.
На 10.октомври пак, минатата година се случи најсмртоносниот напад во поновата турска историја.
За време на про-курдски собир во Анкара, 102 луѓе загинаа а речиси 250 беа повредени кога пред железничка станица двајца напаѓачи се разнесоа со самоубиствени елеци. И тој напад и се препишува на ИСИС.
Освен овие терористички напади во текот на минатата година и оваа во Турција е речиси секојдневие да се случуваат помали инциденти со тепачки кои завршувал и трагично.
Но во земја која е под тензија со нејзиното учество во Меѓународната коалиција против терористите на ИСИС, која има внатрешен проблем помеѓу Ердоган и Курдите, репресивниот систем на самиот Реџеп Таип Ердоган, влошените односи со Русија по соборувањето на воените авиони, и во која корупцијата со криумчарењето на бегалци “цвета“, овие напади се неизбежни.
За некои од нив, организации или групации преземаа одговорност, за некои турските власти однапред го вперуваа прстот, додека за други истрагите се уште траат.