Турските власти велат дека околу 8.000 полицајци се суспендирани од своето работно место по сомнение дека учествувале во организацијата на неуспешниот воен удар за време на викендот. Досега околу 6.000 луѓе од судството, војската, меѓу нив и генерали се приведени во затвор под истото сомнение.
Според државната телевизија, над 100 генерали и адмирали низ земјата биле приведени.
Во меѓувреме претседателот на Турција, Реџеп Таип Ердоган порача дека ќе го исчисти “вирусот“ кој го предизвикал револтот, како и дека планира да ја врати смртната казна која во Турција беше забранета во 2004 година како една од мерките за влез во Европската унија.
Во Турција сепак веќе над 30 години не е извршена смртна казна.
Но дека на Реџеп Таип Ердоган нема да му се дозволи да казнува како што сака во Турција, му потенцираа европските лидери. Министерот за надворешни работи на Австрија, Себастијан Курц, како и високата претставничка на ЕУ за надворешна политика и безбедност му порачаа дека владеењето на правото мора да биде во преден план.
За тоа кој е одговорен за воениот удар, се уште не јасно. Веднаш откако ја зеде својата позиција назад, Реџеп Таип Ердоган го обвини некогашниот пријател а сега најголем опонент Фетула Гулен, да биде екстрадиран веднаш од САД во Турција како одговорен за фракцијата “непослушници“.
Гулен од друга страна, како и опозицијата, го обвини обидот за удар врз владата на Ердоган.