Се чини дека не чека долга, мачна и тензична нок во Управата, вака извор од МВР за НОВА ја опишува моменталната ситуација во Управата за безбедност и контраразузнавање (УБК) каде што тимот на Специјалното јавно обвинителство со судска наредба треба да врши увид во системите за следење на комуникациите во рамки на предистражна постапкапка во предметот „Пуч“.
Ситуацијата е чудна и тензична, нема соработка и постојано се одолговекуваат работите и покрај уредната судска наредба. По речиси цел ден уште сме тука и уште чекаме да видиме дали конечно ќе се убедиме да ни ги дада податоците кои што ги бараме, односно пристап до системите за прислушување, СЈО кусо одговорија откако НОВА се обрати за да побара потврда за информациите дека во Управата работите не течат глатко за обвинителите.
Иако СЈО веќе има оформено предмети за уништување на опрема за прислушување, онаа за која постојат сомненија дека се користела за нелегалните прислушувани разговори на повеќе од 20,000 граѓани, од истрагата објаснуваат дека сега се бара пристап до легалните системи за прислушување кои ги користи УБК, како и до записниците од прислушувањето.
Јанева обвини дека директорот Владимир Атанасовски не соработува
Специјалното јавно обвинитилество денеска претпладне со судска наредба влезе во просториите на Управата за безбедност и контраразузнавање за да врши увид во компјутерските податоци на УБК за предметот „Пуч“ со цел да се утврди кој, како и зошто прислушувал и дали тоа биле домашни или странски служби. Шефицата на Специјалното јавно обвинителство, Катица Јанева, на попладневниот прес денеска рече дека тие со месеци се обидувале да влезат во УБК.
Од осми март бараме податоци, но тие ништо не ни доставија. Затоа денеска влеговме со две судски наредби. Во наредбите стои дека треба да ги превземеме сите ПИ – мерки и сите разговори кои ги снимале од 2008 до 2015 година, реле таа.
Јанева, денеска во јавноста се пожали декаа УБК не соработува и им ја отежнува работата.
Директорот на УБК не соработува, а не знаеме по кој основ овде е присутен и Митко Чавков. Постојано влегуваат и излегувааат полициски службеници, рече Јанева.