Основното јавно обвинителство за гонење на организиран криминал и корупција соопшти дека во координирана акција со  Одделот за организиран криминал при Министерството за внатрешни работи на Република Македонија пресечен е уште еден канал на недозволена трговија на наркотична дрога и сузби уште една криминална група составена од албански и македонски државјани, која се занимава со неовластено набавување и продажба на наркотична дрога марихуана. Дрогата била пренесувана преку водите на Охридското Езеро, од Република Албанија во Република Македонија.

Отворена е истрага за кривично дело Неовластено производство и пуштање во промет наркотични дроги, психотропни супстанции и одземена е наркотична дрога марихуана во количина од 39 килограми.

Истрагата се води за четири члена група од која двајца македонски државјани. Во текот на вчерашниот ден се изведени пред надлежен судија на претходна постапка кој им определи мерка притвор во траење од по 30 дена. Двајцата албански државјани се во бегство.​