Пратеникот на движењето Самоопределување, Албин Курти, по кого трагаше косовската полиција врз основа на налогот за апсење што го издаде Основниот суд во Приштина, денеска е уапсен пред зградата на Собранието на Косово.
Освен Курти, уапсени се и уште двајца пратеници од движењето, Аљбуљен Хаџи и Доник Кадај Бујупи.
Косовската полиција изврши и претрес во канцелариите на Самоопределување во косовскиот Парламент.
Во средата четворица пратеници од Самоопределување требаше да се појават во Основниот суд во Приштина, поради фрлање на солзавец во Парламентот.