Повеќе од десет полицајци и поранешни началници на полицијата од Кочани и Штип се уапсени вечерва во акција раководена од ОЈО ГОКК, како осомничени за пожарот во дискотеката „Пулс“ во Кочани. Дел од нив, според „Скопје1“ се и началници кои биле на функцијата во март, кога се случи трагедијата во која загинаа 62-ца млади луѓе.
За случајот веќе се осомничени повеќе поранешни полицајци и полициски функционери, како и ексградоначалниците на Кочани и раководители на повеќе државни институции кои се надлежни за издавањето на лиценцата за работа на импровизираната дискотека. Претходно, МВР за „Скопје1“ извести дека се поднесени три кривични пријави за различни временски периоди.
Првата кривична пријава се однесува во временски период од 2022 до 2024 година, вкупно против седум лица, од кој пет се активни полициски службеници и двајца се пензионери. Втората кривична пријава се однесува во временски период од 2012 до 2022 година вкупно против 10 лица од кои (двајца службени лица се повторуваат) четворица се активни полициски службеници и шест се пензионери. Третата кривична пријава се однесува во временски период од 2023 до 2024 година вкупно против тројца полициски службеници од кој еден полициски службеник се повторува, велат од МВР за порталот.