Колоната возила во која се наоѓал и српскиот претседател Александар Вучиќ во саботата во 8.30 часот наутро била „пресечена“ на кружниот тек кај местото Топчидерска звезда во Белград, соопшти српското Министерство за внатрешни работи.
Министерот Небојша Стефановиќ изјави за Танјуг дека во овој момент нема сериозни индиции или докази дека претседателот бил мета на овој напад.
Весникот Политика, повикувајќи се на неименуван соговорник, пишува дека три момчиња со возило „бентли“ со шпански регистарски таблички налетале на автомобилот во кој бил Вучиќ, што го потврдува и Стефановиќ.
Тројцата биле задржани од обезбедувањето на Вучиќ, а полицијата подоцна ги привела и започната е предистражна постапка.
На осомничените им е одреден 48 часовен притвор, и во понеделник со кривичната пријава ќе бидат сослушани во Вишото јавно обвинителство во Белград.
Наводно тројцата осомничени и претходно и биле познати на полицијата поради други кривични дела. Тие неофицијално, веднаш по приведувањето биле тестирани на наркотици, а во крвта и мокрачата на еден од нив наводно имало присуство на кокаин.
Според Политика, тојцата работеле како обезбедување на една популарна дискотека во Белград, а автомобилот го позајмиле од еден познат фудбалер.
Како што твди весникот, тие немале намера да ја нападнат колоната, туку само сакале да се возат со автомобилот. Тие се товарат за најтешкиот облик на кривичното дело загрозување на безбендоста за што можат да бидат осудени на казна затвор од 8 години.
Ова не е првпат на Вучиќ да му се случи ваков инцидент. Кога беше претседател на Владата во 2014 година, медиумите објавија дека тој за малку не настрадал кога на неговиот службен автомобил налета „шкода“.