Генералниот секретаријат на Владата на Република Северна Македонија и Управата за јавни приходи ги демантираат написите на одредени медиуми во кој е наведено дека „oколу 10 милиони евра украле газдите од државната помош за исплата на минималец“, се наведува во реакцијата на УЈП.

„Управата за јавни приходи на прес-конференција за медиуми одржана во вторник, на 28 јули, објави дека вкупно 281 работодавач кои примиле финансиска поддршка за месец април 2020 во износ од 9.995.565 милиони денари, не ја исполниле обврската за исплата на плата за 722 вработени, односно за месец мај вкупно 427 компании воопшто не исплатиле плата за 984 вработени, а добиле финансиска поддршка во износ од 13.698.998 милиони денари“, нагласуваат од УЈП.

Податоците за обврзниците кои не исплатиле плата, а примиле финансиска поддршка, УЈП ги доставува до Генералниот секретаријат на Владата на Република Северна Македонија, односно и двете институции располагаат со исти податоци и иста сума на исплатена финансиска поддршка кон овие компании, се заклучува во демантот на УЈП.