Хрватската Влада е на нозе по синоќешниот пад на леталото кај Студентскиот дом кај Јарун крај Загреб. Вонредни прес-конференции, како што објавивме, предмалку одржаа претседателот и врховниот командант на вооружените сили, Зоран Милановиќ, министерот за одбрана Марио Баножиќ, а до јавноста од Париз се обрати и премиерот на Хрватска, Андреј Пленковиќ.
Маркијан Лубкoвски, советник на украинскиот министер за одбрана, за Јутарњи.хр изјави дека леталото што се урна во Загреб не е украинско.
Тој решително го отфрли тоа и додаде дека се очекува и официјално соопштение од украинското Министерство за надворешни работи, во соработка со Генералштабот на украинската армија.
Лубковски побара од хрватските партнери да спроведат истрага за да се открие кому му припаѓа авионот и како може да се најде над Загреб и да падне во Загреб.
Хрватската Влада е на нозе по синоќешниот пад на леталото кај Студентскиот дом кај Јарун крај Загреб. Вонредни прес-конференции, како што објавивме, предмалку одржаа претседателот и врховниот командант на вооружените сили, Зоран Милановиќ, министерот за одбрана Марио Баножиќ, а до јавноста од Париз се обрати и премиерот на Хрватска, Андреј Пленковиќ.
Министерот Баножиќ денеска на вонредната прес-конференција ги обелодени деталите за падот на дронот на загрепски Јарун ноќеска по 23 часот. Предмет кој паднал од небо, на патот покрај Стара Сава, направил кратер широк три метри и длабок еден метар.
– Го затворивме целиот простор, реагираше и воената полиција. Соработуваме со НАТО и соседните земји. Со оваа цел утрово се упативме во два правци. Истрагата за криминалот продолжува, имаме некои податоци кои треба да ги потврдиме. Прашањето е цел на авионот – рече Баножиќ.
Премиерот на Хрватска, Андреј Пленковиќ денеска во Париз изјави дека според досегашните информации, беспилотното летало што се урна синоќа во Загреб е од руско производство, но не се знае дали го поседува руската или украинската армија.
Како што претходно пренесовме, сите надлежни служби во Хрватска веднаш биле вклучени по падот на беспилотен авион од воен тип, кој според досегашните податоци, навлегол во хрватскиот воздушен простор од исток кон запад или од унгарскиот воздушен простор со брзина од 700 км/ч на височина од 1300м.