Во ноќта на 28 јуни, Безбедносната служба на Украина ја нападна воздухопловната база Кировске во привремено окупираниот Крим, користејќи беспилотни летала кои ефикасно уништија три јуришни хеликоптери (Ми-8, Ми-26 и Ми-28) и самооден противвоздушен систем Панцир-С1 се наведува во извештајот на СБУ објавен на Телеграм, пренесува Укринформ.
Штета од пожар е нанесена на базата на воздухопловните компоненти, капацитетите за воздушна одбрана, складиштата за муниција, како и на извидувачките и јуришните беспилотни летала, се вели во извештајот. Достапните податоци за проценка на штетата укажуваат на уништување на повеќенаменски јуришни хеликоптери Ми-8, Ми-26 и Ми-28, како и на противвоздушен ракетен систем Панцир-С1, се наведува во извештајот.
Оттаму велат дека секундарна детонација го потресе аеродромот во раните утрински часови во саботата.
СБУ систематски работи на намалување на можностите на Русија за извршување воздушни и бомбардирачки напади врз територијата на Украина. Окупаторите треба да сфатат дека нивната скапа воена опрема и муниција не се заштитени никаде: ниту на линијата на борбен контакт, ниту на привремено освоените територии, ниту во нивната длабока заднина, соопшти СБУ.