Фондот на ОН за деца соопшти дека најмалку 652 деца загинале во судирите во Сирија во текот на минатата 2016, оценувајќи ја оваа година како најлошата досега за децата во Сирија.

-Не престанаа нападите врз школите, болниците, игралиштата, парковите ниту домовите во текот на оваа година, додека сириската Влада и нејзините противници, како и сојузниците од овбете страни, покажаа бесчувствително непочитување на правилата на војување, се наведува во извештајот објавен воочи шестата годишнина од војната во Сирија.

Во Сирија минатата година загинаа најмалку 255 деца во училишта или во непосредна близина на училишта, а 1,7 милиони деца го прекинаа школувањето.

Податоците за смртните случаи се однсеуваат на само потврдените жртви, што значи дека бројот би можел да биде далеку поголем, наведува УНИЦЕФ.

Секое трето училиште во Сирија е неупотребливо, а некои од нив се заземени од вооружени групи.

Според податоците на УНИЦЕФ, 2,3 милиони сириски деца се бегалци во другите држави на Блискиот исток, а шест милиони деца во Сирија живеат од хуманитарна помош поради граѓанската војна.

Фондот на УН за деца проценува дека повеќе од 850 деца во 2016 се регрурирани за борба, што е двојно повеќе од 2015.

Извештајот на УНИЦЕФ е објавен една недела откако невладината организација „Да ги спасиме децата“ истакна дека сириските деца покажуваат симптоми на „токсичен стрес“.

Лани во декември, НОВА објави сегмети од Скајп комуникацијата на европските пратеници со децата од Алепо кои испратија цртежи во Европскиот парлaмент.