Владата на денешната седница го утврди Предлог на Закон за гаранција на Република Северна Македонија за обврските по договорот за финансирање на проектот „Интерконектор за пренос на природен гас Грција – Северна Македонија, делот на Северна Македонија“, кој ќе се склучи меѓу Европската инвестициона банка (ЕИБ) и АД за вршење на енергетски дејности „Национални енергетски ресурси Скопје“ (НЕР), во државна сопственост.
Со овој предлог-закон, Република Северна Македонија го гарантира исполнувањето на обврските од финансискиот договор меѓу ЕИБ и АД НЕР за финансирање на проектот „Интерконектор за пренос на природен гас Грција – Северна Македонија, во делот на Северна Македонија“, во износ од 28.900.000 милиони евра во предвидените рокови и услови.
Заемот може да се повлекува во најмногу 10 транши. Минималниот износ на транша изнесува три милиони евра, а рокот за отплата на секоја транша од заемот, може да биде од четири до 25 години од датумот на повлекување на траншата, со вклучен грејс период кој може да биде меѓу 30 дена и пет години од датумот на повлекување на траншата.