Во раните месеци на пандемијата, азиско-пацифичкиот регион беше пофален за тоа како одговори на пандемијата. Земјите го држеа коронавирусот под контрола со носење маски, тестирање и држење затворени граници.
Варијантата Делта го смени тоа. Како што САД и ЕУ ги зајакнаа кампањите за вакцинација, Азија се бореше со инфекции и недостаток на вакцини.
Сега, многу земји таму се на пат да ги надминат САД во целосно вакцинирање на нивното население, пишува Си-Ен-Ен.
Некои веќе го направија тоа. Јужна Кореја, Јапонија и Малезија администрираа повеќе дози на 100 луѓе отколку САД, темпо што изгледаше незамисливо во пролетта.
Вакцините помогнаа повеќето Јужнокорејци да не бидат во болница. Меѓу целосно вакцинираните луѓе кои заболеле од „Ковид“, околу 0,6 проценти имале тешки заболувања и околу 0,1 проценти починале, според Агенцијата за контрола и превенција на болести во земјата.
Во Јапонија, сериозните случаи се намалија за половина во текот на минатиот месец, на нешто повеќе од 1.000 дневно. Хоспитализациите паднаа од највисокото ниво од нешто повеќе од 230,000 на крајот на август на околу 31,000 во вторникот.
Вакцините не го „поделија“ народот во азиско-пацифичкиот регион. Движењата против нив беа релативно мали, без помпезни медиумски вести, групи за застапување и политичари што можат да ги влошат дезинформациите.
Генерално, повеќето Азијци ги ставија потребите на заедницата над нивните индивидуални слободи. Тие, исто така, им веруваат на своите влади, иако многу од тие влади исто така користеа стимулации, како што се укинување на ограничувањата за целосно вакцинирани.
Во посиромашните нации, како Индонезија и Филипините, многу луѓе сметаа дека немаат друг избор освен да се вакцинираат. Стравот од немири во земјите кои немаат мрежи за социјална заштита, од своја страна, ги мотивираше лидерите брзо да понудат вакцини.
Но, не е се добра вест. Во Југоисточна Азија, кампањите беа бавни и несразмерни и ги намалија економските перспективи. А тие ризици остануваат и понатаму. Повеќето од земјите не произведуваат сопствени вакцини, и тие веќе би можеле да се соочат со проблеми во снабдувањето, доколку нивните влади одобрат трета доза.
Вакцинациите заостануваат во Африка
Само девет африкански земји ја постигнаа целта за вакцинирање на 10 проценти од своето население против „Ковид-19“ до крајот на септември-статистика што илустрира колку многу континентот заостанува зад глобалните стапки на имунизација.
СЗО, постави репер оваа година како дел од притисокот, земјите да вакцинираат најмалку 40 проценти од нивното население до крајот на годината. Досега, само 4 проценти од населението во Африка е целосно вакцинирано, а понапредните економии на континентот ги надминаа своите посиромашни соседи.
-Главното прашање е дека богатите земји едноставно не донираа за Ковакс, иницијатива за споделување на вакцини, на начин како што рекоа дека ќе го направат. Главно затоа што сакаа да им дадат приоритет на своите популации“.
Ситуацијата со вирусот на континентот често се занемарува бидејќи пријавената стапка на инфекција во моментов е ниска. Досега, имало околу 6 милиони случаи низ целиот континент, според СЗО. Но, тоа и го зголемува проблемот. Голема популација без имунитет – стекнат со вакцина или инфекција, нуди повеќе можности вирусот да мутира при поголем опсег на инфицирани.
„И овие нови варијанти можат да бидат многу заразни, како што видовме со варијантата Делта“. Штом се појави нов сој, тогаш се чини како да почнуваме од нула“.