Интернационалниот олимписки комитет (ИОК) наложи враќање на нови три олимписки одличја од Игрите во Пекинг и во Лондон поради позитивни допинг резултати. Мерката се однесува на Артур Тајмазов, борач од Узбекистан, неговиот украински колега Васил Федоришин и Русинката Светлана Царукаева која понесе сребро во кревање товар во 2012 година.

Во случаите со тројцата спортисти се најдени траги на туринабол, стероид кој е најпознат по неговата примена во допинг ппрограмана Источна Германија во 70-те и 80-те годни од минатиот век. Тајмазов е позитивен и на станозолол, забрането средство што го користеше и канадскиот спринтер Бен Џонсон на Игрите во 1988 година.

Во ИОК се чуваат примероци од допинг контроли и по десет години. Материјалите се испитуваат како што напредува и технологијата и досега се направени над 1.000 повторни тестови од ОИ 2008 и ОИ 2012. Притоа се изречени 65 санкции против спортисти кои настапиле во Пекинг од кои 40 се поврзани со одземање на медали или нивно ново доделување. За Игрите во Лондон се применети 45 санкции од кои 20 за освојувачи на одличја.