Македонскaта православна црква и црковното прашање биле една од темите за кои разговарале поглаварот на Грчката православна црква архиепископот Јеронимос и Вселенскиот патријарх Вартоломеј на нивната денешна средба во Атина.
– За време на средбата беше разговарано за прашањата што се однесуваат на расколничката црква на Скопје, барањето автокефалност од црквата на Украина, а ги споменаа и двајцата грчки војници кои се во притвор во Одрин, соопштуваат од атинската архиепископија.
Како штој јави дописничката на МИА од Атина, Вселенскиот патријарх по средбата со Јеронимос ја посети претседателската палата и се сретна со грчкиот претседател, а по 45 минутната средба со Прокопис Павлопулос, Вартоломеј се сретна и со премиерот на Грција, Алексис Ципрас.
Средбите на Вселенскиот патријарх Вартоломеј со архиепископот Јеронимус, со претседателот Павлопулос и со премиерот Ципрас, се одржуваат на само неколку дена по соопштението од Вселенската патријаршија дека „во рамките на надлежностите и прерогативите на Вселенскиот патријарх, ќе биде разгледано и ќе се преземе она што е потребно за враќање на црквата на Скопје во канонски рамки под името Охридска архиепископија“.
Денеска попладне Вартоломеј ќе има средба со претседателот на Грција, Прокопис Павлопулос, а потоа и со грчкиот премиер Алексис Ципрас.
Официјално не се соопштени темите за кои Вселенскиот патријарх ќе разговара со Павлопулос и Ципрас, но средбите доаѓаат на само неколку дена по соопштението од Вселенската патријаршија дека „во рамките на надлежностите и прерогативите на Вселенскиот патријарх, ќе биде разгледано и ќе се преземе она што е потребно за враќање на црквата на Скопје во канонски рамки под името Охридска архиепископија“.
Премиерот Зоран Заев неодамна испрати писмо до Вселенската патријаршија со кое побарал помош околу конечно решавање на црковниот спор што постои од возобновување на Охридската архиепископија.
Во писмото од премиерот се наведува дека заедно го проследува и писмото од Архиереите и притоа се бара „согласно со вековните права на Вселенскиот Престол да се реши долгогодишното црковно прашање на нашата земја“.
МПЦ-ОА ги демантираше информациите дека со писмото кое е испратено од Црквата се бара бришење на името „Македонска“ и признавање на МПЦ како Охридска архиепископија.
По повод ова писмо бил одржан состанок на Вселенската патријаршија.