18 годишен Велешанец признал дека имал полов однос со 13 годишното девојче од Домот за деца „25 Мај“ во ноември минатата година.

Пријавата за ,,Полов напад врз дете,“ дури денеска е поднесена од СВР Велес до Обвинителството, а случајот во МВР бил пријавен од болницата во Велес на 13 ноември лани каде што малолетното девојче било донесено во безсознание.

Поради непостапување на институциите, против него досега не се преземени мерки.

МВР, претходно соопшти дека за злоставуваното девојче поднела пријава и против Ш.К (39) за полов напад врз дете – пријавата била поднесена на почетокот на минатата година.

„На 03.01.2017 по пријава за исчезнато лице, девојчето било пронајдено во населбата Шуто Оризари во домот на 68-годишниот Џ.К., која што со сила ја задржала во својот дом со намера да и биде снаа. Констатирано било дека таму малолетничката имала сексуален однос со повозрасен човек. МВР потоа разговарале со Џ.К., А.К. (44) и Ш.К. (39) и како можен сторител бил детектиран Ш.К. за што од страна на Единицата за насилен криминал при СВР Скопје, бил направен посебен извештај кој што на 12.01.2017 година е доставен до надлежен обвинител при ОЈО Скопје за натамошни насоки и постапување“.

Од Обвинителството денеска не соопштија што се случило со оваа пријава, ниту со кривичната пријава која на 1 август ја доставиле од Европскиот центар за заштита на Ромите, а со која се бара да се утврди одговорност од старателот, домот и злоставувачите.

Адвокатката која го застапува случајот вели дека ,,за овој случај, надлежните институции молчеле 11 месеци, без да го заштитат детето, кое на 16 февруари годинава и абортираше, бидејќи забременила по сексуално малтретирање“.

Во ОЈО шест месеци знаеле за случајот со злоставуваното девојче

Центарот за социјална работа, за поведување на дицисплинска постапка или судска постапка за несовесно, неодговорно и непрофесионално работење на поставениот старател на детето и Домот, но од таму им одговориле дека „не постои неправилно постапување од страна на поставениот старател и од страна на одговорните лица во домот за деца без родители 25 Мај, Бутел – Скопје“.

Адвокатката вели дека лицето кое одговорило всушност бил стрателот на детето. Од Министерството за труд денеска најавија дека за случајот со злоставуваното девојче оставка поднесе директорот на Домот и дека се истражува и можно непостапување од страна на претходниот назначен старател на детето.

Случајот со 13 годишното девојче го обелодени Европскиот центар за права на Ромите – кој ја шокираше јавноста со сознанието дека малолетно девојче кое било под заштита на државата, било неколкупати сексуално злоставувано, и за тоа никој не одговорал.