Во моментот Велика Британија регистрира над 8.000 пациенти во болница и 849 болни поврзани на респиратор.
Велика Британија извести дека дошла до стадиум да регистрира над 100,000 новозаразени дневно за прв пат од почетокот на пандемијата.
Околу 106.122 случаи се регистрирани во последните 24-часа што е околу 13.000 повеќе од претходниот максимум кој беше достигнат на 17 декември а изнесуваше 93.045.
Регистрирани се и дополнителни 140 смртни случаи поврзани со коронавирусот.
Бројките во вторникот (вчера) изнесуваа 90.629 случаи на новоинфицирани и 172 смртни случаи.
Минатата среда беа пријавени 78.610 случаи на ковид-19 во тој момент највисока бројка од почетокот на пандемијата заедно со 165 смртни случаи. За овие бројки главниот извршен директор на NHS Англија рече дека треба да „нè загрижи сите“ .
Според последните податоци, на 18 декември во болница се примени 813 пациенти со КОВИД.
Во Велика Британија досега се имунизирани 47.156.899 граѓани со две дози.
Советниците на Заедничкиот комитет за вакцинација и имунизација (JCVI) сега препорачаа на ранливите деца на возраст меѓу пет и 11 години да им се понуди нова педијатриска верзија на вакцината Фајзер / Бионтек.
Инаку најновото истражување на Универзитетскиот колеџ во Лондон (UCL) сугерира дека децата можат подобро да се борат со ковид-19 од возрасните поради нивниот вроден имунолошки одговор.