Министерот за внатрешни работи (МВР), Оливер Спасовски ги изнесе првичните детали за меѓународната полициска операција наречена „Колибри“ што се однесува на случајот со шверц на 700 килограми кокаин што шпанската полиција го пресретна и заплени во Мадрид на 18 декември.
https://www.facebook.com/mvr.gov.mk/videos/1493312194168451/?t=0
Поради сомнение за инволвираност во случајот беше приведена и познатата македонска актерка Силвија Стојановска против која МВР поднесена кривична пријава до Обвинителството по член 215 од Кривичниот законик, а судија на претходна постапка и одреди 30 дневен куќен притвор. Нејзиниот сопруг Воислав Будисављевиќ (59), пак, доби 30 дневен притвор.
„На 18 декември оваа година, во рамки на меѓународна полициска операција, е споведена координирана акција на Шпанија и на Колумбија за лишување на лица, членови на меѓународна криминална група што огранизирала транспорт на 700 килограми кокаин од Јужна Америка во Европа чија пазарна вредност би достигнала 20 милиони евра“, рече Спасовски на денешната прес-конференција.
Во втората половина на годината, како што истакна министерот на внатрешни работи, биле преземени низа мерки за утврдување на активностите на групата предводена од двајца македонски државјани. Нејзини членови на лице кое е идентификувано како капетан на брод, согласно претходниот договор, му исплатиле 850.000 евра за транспорт на дрогата.
„Лидер на оваа група е лицето В.Б., кој имал забрана за патување во земјите на ЕУ, го ангажирал неговито брат В.Б. со кој ги договарале чекорите за дистрибуција на кокаинот. Пријавената С.С., по инструкции на својот сопруг В.Б., резервирала хотел во Мадрид и го платила од своја кредитна картичка, па отпатувала преку Софија во Мадрид, со цел во име на нејзиниот сопруг, еден шпански државјанин да подигне десет илјади евра, најверојатно поврзани со шверцот на кокаин“, истакна Спасовски.
Групата, според МВР, се координирала преку лични контакти и комуникација на интернет.