Силна експлозија одекна попладнево во близина на аеродромот во италијанскиот град Болоња, при што се повредени најмалку 20 лица, јавија италијанските медиуми.
Италијанската полиција информира дека експлозијата била предизвикана при сообраќајна несреќа на автопатот во близина на аеродромот.
Според очевидци, ицидентот се случил кога се судриле две возила, по што едното експлодиирало.
Противпожарната служба соопшти дека експлодирал камион цистерна, по што избувнал пожар, во чие гаснење учествувале припадници на службата.
Поради несреќата, што се случила околу 13 часот, сообраќајот на автопатот е во прекин во двата правци.
На социјалните мрежи се појавија фотографии и видео снимки на кои се гледаат како од местото на инцидентот се креваат пламени јазици и црн чад.