Македонската машка ракометна репрезентација ја забележа втората победа во петтиот меѓусебен дуел со селекцијата на Украина. Конечни 26:25 во Виена во премиерниот настап на 14. Европско првенство. Двата бода беа осигурани благодарение на погодокот на Кире Лазаров со звукот на сирената што Европската ракометна федерација (ЕХФ) го прогласи за најубав на вториот натпреварувачки ден на турнирот во конкуренција со шведскиот ракометар Валтер Хринц.
Но, голот на Лазаров немаше да биде славенички ако Никола Митревски немаше своја вечер меѓу стативите. Мечот го заврши со 15 одбрани и еден пенал и беше најзаслужен што Македонија имаше напад за победа во кој капитенот ја презеде одговорноста и не погреши. Една од нив, во 58 минута, со која ја запре украинската контра за намалување на 25:24, е одбрана за втора најдобра интервенција во вчерашните шест меча на шампионатот.