Бројот на загинатите од шумски пожари низ поморските летувалишта во близина на грчкиот главен град Атина, се зголеми на 83, по смртта на 73-годишен пациент кој бил во болница со тешки изгореници.  Според соопштението од портпаролот на противпожарната бригада Ставрула Малри, потрагата по исчезнати лица во изгорените објекти во источна Атика продолжува.

 

Противпожарната бригада побара од членовите на семејствата на исчезнатите лица да се информираат за постапката што треба да се следи за идентификација на жртвите.

Тимот пожарникари во моментов спроведува пребарување од куќа до куќа во областите зафатени од пожарот, во потрага по евентуални нови жртви, рече Малри, но сé уште не почнале да влегуваат во домовите што се заклучени.

Фото: АНА МПА

 

-Свесни сме за вознемиреноста што ја чувствуваат роднините на исчезнатите и потрагата за нивно наоѓање нема да запре додека не се провери целокупниот простор и точките што се зафатени од пожарот, рече таа.

“Видеото и фотографиите се од грчката новинска агенција АНА МПА