Можеме да кажеме дека имавме многу среќа во оваа голема и тешка несреќа, во која се оштетени околу 40 автомобили, изјави хрватскиот премиер, Андреј Пленковиќ кој, заедно со членови на Владата, денеска го посети местото на падот на беспилотното летало коешто прексиноќа по 23 часот се урна кај Јарун крај Загреб.
Леталото очигледно е лансирано на територијата на Украина, но не знаеме чие е, а и украинската и руската страна велат дека не е нивно. Леташе над Хрватска околу 7 минути и тука се урна, буквално кадешто има 7.500 студенти, ресторан, станбени згради, ноќен клуб,… Можеме да кажеме дека имавме многу среќа во оваа голема и тешка несреќа, во која се оштетени околу 40 автомобили, изјави хрватскиот премиер, Андреј Пленковиќ кој заедно со членови на Владата денеска го посети местото на падот на беспилотното летало коешто вчера се урна кај Јарун крај Загреб.
Полицијата, заедно со воената полиција го спроведува увидот, којшто ќе продолжи во потесната зона на инцидентот, каде ќе се обидат да го извадат делот од леталото кој се вкопал во земјата.
– Како што видовте, вчера веќе се сретнав со сите лидери на ЕУ, испратив формално писмо до сите, информирајќи ги за инцидентот и дека вакво нешто може да се случи во друг град, ова теоретски може да биде Будимпешта, Љубљана, Братислава… важно зајакнување и интензивирање на меѓусебната соработка. Дали е ова случајно, грешка или намерно, не знаеме, има претставници од државното правобранителство и од полицијата и армијата, прво ќе се обидат да го ископаат леталото и да видат дали има податоци во него, додаде Пленковиќ, пренесуваат хрватските медиуми.
Инцидентот, според хрватскиот премиер, значи и дека во иднина треба да се зајакне соработката помеѓу земјите членки на НАТО.
-Ова укажува на потребата од поблиска соработка во рамките на самото НАТО, оваа ситуација повеќе не може да се толерира и не треба да се случува, ова е јасна и недвосмислена закана на која треба да се одговори, ќе ја подигнеме на ниво на сите тела, додаде Пленковиќ.
Тој наведе дека ќе побара објаснување како е можно да се случи вакво нешто без да се вклучи соодветен аларм.
– Овој проектил можеше да слета на нуклеарна централа, така што за Унгарија би бил поголем проблем отколку за нас. Овде е очигледно дека немаше добра реакција или комуникација со другите земји. За среќа, вака заврши, изјави Пленковиќ.