(Видео) Изгаснат пожарот во катедралата „Свети Петар и Павле“ во Нант

Пожарот што избувна во готската катедрала во францускиот град Нант е под контрола, соопштија официјални лица. Според нив, направената штета е неспоредлива со минатогодишниот пожар во катедралата Нотр-Дам во Париз.

„Штета е направена на органата што се чини дека е целосно уништена. Платформата е многу нестабилна и може да пропадне“, изјави регионалниот пожарникарски началник Лорен Ферлеј, на брифинг пред катедралата.

Катедралата „Свети Петар и Павле“ во Нант е една од најголемите готски катедрали во Франција. Нејзината изградба започнала во 1434 година и траела 457 години, до 1891 година. Пожарот што избувна во внатрешноста на објектот, мобилизира над 70 пожарникари за интервенција што на крајот беше успешно спроведена.