Министерството за одбрана на Русија се пофали со акција на неговите маринци крај западниот брег на Африка. Во веста што е објавена на интернет сајтот се тврди дека се избркани пирати кои закале да заземат брод што превезувал контејнери со производи и притоа е спасен екипажот.
Руското Министерство вчера објави дека разорувачот „Владимир Кулаков“ вчера добив повик за помош од контејнерскиот брод „МСЦ Лусија“, кој пловел под знамето на Панама во залив меѓу Того и Камерун, крај западниот брег на Африка.
Наводно вооружени пирати со глисери стигнале до бродот, при што екипажот се сокрил во машинското одделение. Од рускиот разорувач, како што објави Министерството, веднаш е пратен хеликоптер од типот „Кумов Ка-27Пс“ со тим на маринци.
Штом забележале дека кон нив се приближува воен хеликоптер, пиратите се вратиле во глисери и веднаш го напуштиле бродот во правец на брегот, објави руското Министерство за одбрана.
Руските маринци, како што се додава во веста, слетале на „МСЦ Лусија“, го ослободиле екипажот и почнале со пребарување на бродот за да се осигураат дека нема неканети гости.