Врховниот суд на САД денеска ја поништи 50-годишната пресуда со која се легализираше абортусот во целата земја, поради што милиони жени ќе го изгубат законското право на абортус.
Судот ја поништи значајната одлука во случајот Роу против Вејд, со која технички беше укинато федералното уставно право на абортус во САД.
Сега државите одделно можат да одлучуваат за законитоста на абортусот.
„Сметаме дека Уставот не дава право на абортус и овластувањето за регулирање на прашањето за абортусот мора да им се врати на граѓаните и нивните избрани претставници“, се наведува во соопштението.
Претседателот Џо Бајден го опиша тоа како „трагична грешка“ и ги повика државите да донесат закони за да ја дозволат постапката.
По одлуката на Врховниот суд, пристапот до абортус се очекува да биде прекинат за околу 36 милиони жени во репродуктивна возраст, според истражувањето на Planned Parenthood, здравствена организација која обезбедува абортуси.
Одлуката објавена денес од мнозинството конзервативни судии за фундаментално преобликување на американското општество со поништување на историскиот преседан од 1973-та година, се очекува да ја интензивира политичката дебата и да донесе компликации во сојузните закони, со кои ќе може да се блокира голем дел од населението да ја прекине несаканата бременост.
Пресудата ја поддржува 15-неделната забрана за абортус на сојузната држава Мисисипи, која директно се коси со барањето на Роу, сојузните држави да дозволат абортус до точка на одржливост на фетусот, околу 24 недели.
Повеќе од дваесет сојузни држави, првенствено на југот и на средниот запад во САД, се очекува да го заострат пристапот до абортус, вклучително и 13 сојузни држави со „забрани за активирање“ што ќе стапат на сила автоматски или со минимален напор од државните службеници.
За конзервативците, соборувањето на Роу претставува достигнување на внимателно оркестрираното и добро финансирано движење, кое со децении се обидуваше да ги издигне доверливите сојузници до Врховниот суд и да ја избрише федералната заштита, која конзервативците долго време ја сметаа за прекршување на правата на сојузните држави.
Оваа одлука доаѓа откако минатиот месец во јавноста протече таен документ на нацрт – верзија на мислењето на Врховниот суд, со кое се понуди увид во претстојното укинување на правата за абортус, како и пресврт во пресудата, со која повеќето Американци не се согласуваат.