Заменик-претседателот на Народното собрание и заменик-шеф на Бугарската Социјалистичка партија Кристијан Вигенин денеска изјави дека смената на претседателот на Народното собрание Никола Минчев е политичка и не е поврзана со неговата работа, а новото мнозинство неуспешно се обидува по брза постапка да именува нов претседавач и да го преземе парламентот.
„Ова е заговор меѓу сосема различни политички формации“, рече Вигенин.
Според него, тоа што владејачката коалиција е против Борисов не треба да биде аргумент против неа, бидејќи „Борисов е симбол на системот на владеење кој е штетен за Бугарија и таа сега се обидува да се одмазди“.
Тој потсети дека БСП со години се бори против овој систем.
„Во возот влегоа други формации. Првата беше „Има таков народ“, која како што се испостави, очигледно била со други намери. Според мене, целта на раководството на „Има таков народ“ по рушењето на два парламенти сега е на пат да го сруши и третио со намера да биде уништена енергијата за промени и да се даде шанса на статус кво ситуацијата. И мислам дека ниту избирачите ниту колегите од Има таков народ не се согласни да учествуваат во тој спектакл“, рече Винегин.
„Работиме заедно затоа што рековме дека ќе изградиме нов тип на држава. Овој модел кој го создаде ГЕРБ ќе се смени и ќе имаме вистинска европска демократија со јасни правила и јасна конкуренција во економијата – крај на одливот на средства од јавни набавки и хранење олигархиски кругови со пари на граѓаните“, категоричен беше Кристијан Вигенин.
Тој призна дека овој процес е тежок, но веќе е започнат, а сега претходниот систем се обидува да ги запре овие напори.
„Овде се поставува прашањето како ќе реагираат граѓаните – дали ќе ја вратат државата или ќе ја вратат во рацете на овие кругови“, рече социјалистот.
Според него, во наредните денови ќе пукне и балон темата Северна Македонија, која беше употребена на најбрутален начин од „Има таков народ“ за да ги оправда својата превртливост во последните недели.
„Дефинитивно нема да има укинување на ветото. Кој предлог и да дојде од француското претседателство допрва ќе се разговара, но тоа не може да се случи следната недела. Имаме доволно време да видиме дали е тоа добро за Бугарија, кои се следните чекори и да се изгради стратегија. Нема итност по ова прашање“, изјави Кристијан Вигенин.