Венус Вилијамс и Гарбине Мугуруза ќе играат во саботното женско финале на Вимблдон. Американката во полуфиналето ја елиминира Џоана Конта со 6:4, 6:2 додека Шпанката ѝ препушти само два гема на Магдалена Рибарикова од Словачка (6:1, 6:1).
Повозрасната од сестрите Вилијамс уште еднаш потврди дека ѝ лежат настапите на третиот гренслем во сезоната. Додека е во исчекување да стане тетка, Венус си ужива на турнирите и гази се пред себе на лондонската трева.
Самоуверена како во најдобрите денови во кариерата, упорна и максимално борбена без разлика која колешка е од спротивната страна на мрежата, подвижна како да има 25, а не 37, таа заслужено се најде во деветтото свое финале на турнирот во кое ќе има прилика за шести трофеј или вкупно 13 семеен ако се додадат и седумте што ги има моментно четвртиот светски рекет кај дамите.
Венус Вилијамс зад себе има две одлични недели на Вимблдон. Ги надмина проблемите со автоимуното заболување што ѝ беше дијагностицирано пред, отприлика, една ипол година кое продуцира пад во нејзината форма, ја спречуваше во желбата да постигнува врвни резултати на ВТА турот и ја доведе на раб меѓу животот и смртта. Една од прифатените препораки се однесуваше на минување на сурова еганска исхрана што ја врати на старите патеки и на приватен и на професионален план.
Вимблдон/полуфинале (ж)
Резултати
В. Вилијамс (10., САД) – Конта (6., В. Британија) 6:4, 6:2
Мугуруза (14., Шпанија) – Рибарикова (Словачка) 6:1, 6:1