Владата, како што беше најавено, ја објави листата со фирми кои аплицирале и добиле државна помош, но не исплатиле плати на вработените. Директорката на УЈП, Сања Лукаревска пред неколку дена соопшти дека околу 700 фирми кои користеле финансиска поддршка за исплата на минимална плата од 14.500 денари не им ги дале парите на работниците и во време на пандемија 1.700 вработени останале без плата, а уште 52.000 добиле пониска плата од минималната.
Фирмите на тој начин за себе си задржале околу два милиона евра. Телма, повикувајќи се на извори во Владата попладнево објави дека сумата за задржани средства е петкрано поголема од онаа што ја објави Лукаревска во вторникот што УЈП ја демантира информацијата вечерва. Лукаревска се закани дека ако не ги исплатат платите, фирмите ќе бидат јавно објавени и ќе следи присилна наплата. Синдикатите, пак, бараат кривична одговорност од фирмите.
Владата одобри околу половина милијарда евра за помош за справување со економските последици од коронавирусот. Дел од средствата беа за одржување на ликвидноста на компаниите, како помош за исплата на плата за да се зачуваат работните места.