Опозициската ВМРО ДПМНЕ со обвинување за Рената Треневска Дескоска дека користела службено возило да оди на партиски митинг. Затоа партијата побара одговорност и оставка од министерката за правда.
„Најостро ја осудуваме злоупотребата на државни ресурси во политички цели од високи функционери на СДСМ. Кога министерот за правда може да си дозволи со службено возило со маичка од кампања да оди на партиски митинг, може само да претпоставиме што прават пониските ешалони. Од Рената Треневска Дескоска бараме да си поднесе оставка од морални причини“, се вели во реакцијата на ВМРО ДПМНЕ.
Најголемата опозициска партија во државата побара од Државната комисија за спречување на корупција, од јавното обвинителство и од другите надлежни институции да покренат прекршочни и кривични постапки.
Антикорупциската комисија на веб страницата неодамна објави и регистар на сите службени возила кои можат да се пребаруваат по регистарска таблица и кои исто така можат да се пријават доколку граѓаните забележат дека државни возила се користат во партиска кампања.