ВМРО-ДПМНЕ во соопштение до јавноста реагира дека ниту актуелниот претседател на партијата Никола Груевски, ниту поранешниот шеф на УБК, Сашо Мијалков немале никаква поврзаност со приватизацијата на фабрики во Србија.
Партиската реакција следи по интервјуто на претседателот на Народната партија од Србија, Вук Јеремиќ, кој Груевски и Мијалков ги нарече „диктаторски корумпиран режим“ кои извелкувале пари од Македонија за да купуваат фабрики во Србија.
Во соопштението на ВМРО-ДПМНЕ се наведува дека Груевски и Мијалков не извлекувале пари од Македонија и дека се работело за лиферувани информации, за, како што велат, да се сокријат сите антидржавни политики.
„Изнесените наводи во интервјуто кое го пренесуваат порталите блиски до СДСМ се целосно неточни и најостро ги демантираме“, стои во соопштението.