ВМРО-ДПМНЕ ќе бара преиспитување на одлуката на Иванов

Одлуката на Претседателот Ѓорге Иванов не е во согласност со заложбите на ВМРО-ДПМНЕ, сооптија денеска од владејачката партија, бидејќи според нив, секој што направил криминал треба да одговара.

– Од тие причини, ВМРО-ДПМНЕ денеска ќе предложи да биде испратено писмо до Претседателот Иванов, потпишано од четирите најголеми политички партии, со барање да биде преиспитана одлуката за прекинување на кривичните постапки. Во текот на денот ВМРО-ДПМНЕ ќе стапи во контакт со останатите три партии при што ќе им го понудиме нашиот предлог, се вели во соопштението.